'
ဤနေရာသည် ဗုဒ္ဓဘုရား၏ မေတ္တာရိပ်အောက်တွင် တည်ရှိပါသောကြောင့် မေတ္တာရိပ်သို့ လာရောက်ခိုလူံရင်း အလည်အပတ် ကြွရောက်လာကြသော သူငယ်ချင်း မိတ်ဆွေများအားလုံး အေးချမ်းသာယာကြပါစေရှင်။





MSN Icon Google Talk Icon Twitter Icon Facebook Chat Icon Bonjour Icon IRC IconAIM Icon MobileMe Icon MySpace IM Icon LJ Talk Icon StatusNet Icon Lotus Sametime Icon Novell Groupwise Icon Gadu-Gadu Icon

Wednesday, September 3, 2014

ပါဟုနေယျ ဂုဏ်တော်ဖွင့် (ကျက်မှတ်ရန်)

(၆) ဘဂ၀တော - ရွှေဘုန်းတော်သခင်, ရှင်တော်မြတ်ဘုရား၏၊ ဧသ ဧသော သာဝကသံဃော - အစုံလေးပါး, သီးခြားရှစ်ဖော်, သံဃာတော်အပေါင်း, ဤအရိယာ သူတော်ကောင်းသည်၊ ပါဟုနေယျော - ဝေးရပ်မျိုးနွယ်, များဧည့်သည်ဖို့, ရည်ရွယ်မှန်းထား, ပစ္စည်းများကို, ဘုရားတစ်ဆူ, ပွင့်တော်မူမှ, ပေါ်လာကြသည့်, ကမ္ဘာ့ဧည့်ကောင်း, သူတော်ပေါင်းမို့, အကြောင်းတိုက်စွာ, ပေးလျူခြင်းငှာလည်း ထိုက်တော်မူပါပေ၏။

အာဟုနေယျ ဂုဏ်တော်ဖွင့် (ကျက်မှတ်ရန်)

(၅) ဘဂ၀တော - ရွှေဘုန်းတော်သခင်, ရှင်တော်မြတ်ဘုရား၏၊ ဧသဧသော သာဝကသံဃော - အစုံလေးပါး, သီးခြားရှစ်ဖော်, သံဃာတော်အပေါင်း, ဤအရိယာသူတော်ကောင်းသည်၊ အာဟုနေယျော - တုံ့ပြန်ကြီးလေး, အကျိုးပေးသဖြင့်, အဝေးမှယူ, ဆောင်၍မူလည်း, ကြည်ဖြူလေးမြတ်, ပူဇော်အပ်သည့်, လာဘ်သပ်ပကာ, အဖြာဖြာကို, ကောင်းစွာသိမ်းပိုက်, ခံယူခြင်းငှာလည်း ထိုက်တော်မူပါပေ၏။

ပုရိသယုဂါနိ ပါဠိအဖွင့် (ကျက်မှတ်ရန်)

စတ္တာရိ-မဂ် ဖိုလ်နှစ်ပါး, အစုံအားဖြင့်, လေးပါးကုန်သော၊ ယဒိဒံ ပုရိသယုဂါနိ - အကြင်ယောက်ျားအစုံတို့သည်၊ အဋ္ဌ - အသီးအခြား, ခွဲသောအားဖြင့်, ရှစ်ပါးကုန်သော၊ ပုရိသပုဂ္ဂလာ - ပုရိသပုဂ္ဂလ, ခေါ်ကြထိုိထို, မြင့်မြတ်သော ပုဂ္ဂိလ်တို့ပါပေတည်း။

သာမိစိပ္ပဋိပန္န ဂုဏ်တော်ဖွင့် (ကျက်မှတ်ရန်)

(၄) ဘဂ၀တော - ရွှေဘုန်းတော်သခင်, ရှင်တော်မြတ်ဘုရား၏၊ သာဝကသံဃော - ဆုံးမထားဟန်, တရားမှန်ကို, နာခံလိုက်နာ, အရိယာဟု, သင်္ချာရှစ်ဖော်, သံဃာတော်အပေါင်း, သူတ်ာကောင်းသည်၊ သာမိစိပ္ပဋိပန္နော - ရိုသေမူ, လူတို့ပြုသည့်, သာမိစိကံ, လျော်ထိုက်တန်အောင်, ကျင့်ကြံတော်မူတတ်ပါပေ၏။

Tuesday, September 2, 2014

ဥာယပ္ပဋိပန္န ဂုဏ်တော်ဖွင့် (ကျက်မှတ်ရန်)

(၃) ဘဂ၀တော - ရွှေဘုန်းတော်သခင်, ရှင်တော်မြတ်ဘုရား၏၊ သာဝကသံဃော - ဆုံးမထားဟန်, တရားမှန်ကို, နာခံလိုက်နာ, အရိယာဟု, သင်္ချာရှစ်ဖော်, သံဃာတော်အပေါင်း သူတော်ကောင်းသည်၊ ဥာယပ္ပဋိပန္နော - ကိုယ်ဝယ်ဝတ်နှောင်, ဆံဥသျှောင်ကို, မီးလောင်သော်ငြား, မငြိမ်းအားဘဲ, ကြီးမားလောင်မီး, ဒုက္ခကြီးတို့, အပြီးဧကန်, ငြိမ်းရာမှန်သည့်, နိဗ္ဗာန်အလို့ငှာ, ကျင့်တော်မူတတ်ပါပေ၏။

ဥဇုပ္ပဋိပန္န ဂုဏ်တော်ဖွင့် (ကျက်မှတ်ရန်)

(၂) ဘဂ၀တော - ရွှေဘုန်းတော်သခင်, ရှင်တော်မြတ်ဘုရား၏၊ သာဝကသံဃော - ဆုံးမထားဟန်, တရားမှန်ကို, နာခံလိုက်နာ, အရိယာဟု, သင်္ချာရှစ်ဖော်, သံဃာတော်အပေါင်း, သူတော်ကောင်းသည်၊ ဥဇုပ္ပဋိပန္နော - စဉ်းလဲသမူ, မာယာစုဖြင့်, ဖုဖုထစ်ထစ်, မကောက်ကျစ်ဘဲ, စင်စစ်နိဗ္ဗာန်, လမ်းဖြောင့်မှန်အောင်, လျော်ကန်ချင့်မျှော်, ကျင့်ကြံတော်မူတတ်ပါပေ၏။

Thursday, July 24, 2014

သုပ္ပဋိပန္န ဂုဏ်တော်ဖွင့် (ကျက်မှတ်ရန်)

(ဘဂ၀တော-ရွှေဘုန်းတော်သခင်, ရှင်တော်မြတ်ဘုရား၏၊ သာဝကသံဃော-ဆုံးမထားဟန်, တရားမှန်ကို, နာခံလိုက်နာ, အရိယာဟု, သင်္ချာရှစ်ဖော်, သံဃာတော်အပေါင်း, သူတော်ကောင်းသည်၊ သုပ္ပဋိပန္နော-တရားသဖြင့်, ဆုံးမသင့်ရာ, သာသနာဝယ်, လျော်စွာထုံးပြ, ဆုံးအမကို, လုံးဝလိုက်နာ, ကောင်းမွန်စွာလည်း ကျင့်တော်မူတတ်ပါပေ၏။

သံဃာ့ဂုဏ်တော်ဖွင့် (ကျက်မှတ်ရန် ပါဠိတော်)

သုပ္ပဋိပန္နော ဘဂ၀တော သာဝကသံဃော, ဥဇုပ္ပဋိပန္နော ဘဂ၀တော သာဝကသံဃော, ဥာယပ္ပဋိပန္နော ဘဂ၀တော သာဝကသံဃော, သာမိစိပ္ပဋိပန္နော ဘဂ၀တော သာဝကသံဃော (ယဒိဒံ စတ္တာရိ ပုရိသယုဂါနိ အဌပုရိသပုဂ္ဂလာ)၊ ဧသ ဘဂ၀တော သာဝကသံဃော, အာဟုနယျော, ပါဟုနေယျော, ဒက္ခိဏေယျော အဉ္ဖလီကရဏီယော, အနုတ္တရံ ပုညက္ခေတ္တံ လောကဿ။

တရားပူဇော်နည်း

“ဘုရားရှင်နှင့် သံဃာတော်သည် ပုံသဏ္ဌာန် အထင်အရှားရှိတော်မူသောကြောင့် ပူဇော်၍ဖြစ်၏၊ တရားတော်ကား ပုံသဏ္ဌာန် မထင်ရှားသောကြောင့် မည်ကဲ့သို့ ပူဖော်ရပါအံ့နည်း”ဟု အကြံဖြစ်၍ ပုဏ္ဏားတစ်ယောက်သည် ဘုရားအထံ လျှောက်ဖူးလေ၏၊ ဘုရားရှင်ကလည်း “ပုဏ္ဏား - တရားတော်ကို ပူဇော်လိုလျှင် တရားတော်ကို များစွာသိ၍ ဗဟုသုတရှိသော ရဟန်းတော်ကို ပူဇော်လေ”ဟု မိန့်တော်မူသဖြင့် သံဃာများအထံ ဗဟုသုတရှိသော ရဟန်းတော်ကို မေးလျှောက်လေရာ အရှင်အာနန္ဒာကို ညွှန်ပြကြသဖြင့် တရားတော်ကို ရည်မှန်း၍ တစ်ထောင်တန် သင်္ကန်းဖြင့် လှူဒါန်းပူဇော်လေသည်။

Sunday, May 25, 2014

ငါးပါးမာရ်နှိမ်, မာရဇိန်

မာရ်ငါးပါးကို နှိမ်းနှင်းတော်မူနိုင်သော, မာရ်ငါးပါးကို အောင်တော်မူသော ဘုရားရှင်။ (မာရ-မာရ်ကို+ဇိန်(ဇိန)-အောင်တော်မူ၏။)

မာရ်ငါးပါး

၁။ ဒေ၀ပုတ္တမာရ် = မာရ်နတ်မင်း
၂။ ကိလေသမာရ် = တစ်ထောင့်ငါးရာ ကိလေသာ။
၃။ ခန္ဓမာရ် = ခန္ဓာကိုယ်။
၎။ မစ္စုမာရ် = သေခြင်း။
၅။ အဘိသင်္ခါရမာရ် = ကုသိုလ် အကုသိုလ်ကံတည်း။

တရားရှိခိုး ဂါထာဖွင့် (ကျက်မှတ်ရန်)

ဣစ္စေ၀ံ ဆဟိ ဂုဏေဟိံ, ပါကဋံ ဇိနပူဇိတံ၊
သမ္ပတ္တိဒါယကံ ဓမ္မံ, ၀န္ဒာမိ တီဟိ သာဒရံ။

ဣစ္စေ၀ံ ဆဟိ ဂုဏေဟိ-ဤသွာက္ခာတတာ, အစလာသည့်, ခြောက်ဖြာသော ဂုဏ်တော်တို့ဖြင့်၊ ပါကဋံ-တိတ္ထိတို့ဘောင် လွန်မြားမြောင်သည့်, ဟန်ဆောင်တရား, အစားစားထက်, မားမားစွင့်စွင့်, ဂုဏ်ရည်တင့်၍, ကြီးမြင့်ထင်ရှားပေထသော၊ ဇိနပူဇိတံ-ကိုယ်တိုင်သိငြား, ကိုယ့်တရားလည်း, ငါးပါးမာရ်နှိမ်, မာရဇိန်ပင်, ကြိမ်ကြိမ်လေးမြတ်, မှီဝဲပူဇော်တော်မူအပ်ထသော၊ သမ္ပတ္တိဒါယကံ-ကျင့်ကြံလိုက်နာ, ဝေနေယျာအား, လူ့ရွာနတ်ထံ, နိဗ္ဗာန်အထိ, သမ္ပတ္တိကို, မိမိရရ, ပေးစွမ်းနိုင်ပေထသော၊ ဓမ္မံ-မဂ်ဖိုလ်နိဗ္ဗာန်, ဓမ္မက္ခန်ဟု, ဆယ်တန်သော တရားတော်မြတ်ကို၊ တီဟိ-လက်အုပ်အဉ္ဇလီ, နူတ်သံချီ၍, ရွှင်ကြည်မနော, သုံးပါးသော ဒွါရတို့ဖြင့်၊ သာဒရံ-လေးမြတ်ကြည်ညို, ရိုသေခြင်းရှိသည်ဖြစ်၍၊ ၀န္ဒာမိ-စိတ်ဖြင့်ဦးတန်း, ဂုဏ်တော်မှန်းလျက်, ချီးမွမ်းထောမနာ, ပဏာညွတ်ကျိုး, လက်စုံမိုး၍, ရှိခိုးကန်တော့ပါ၏ဘုရား။

♣ မေတ္တာရိပ်မှ စာရေးသူတောသူမလေးနဲ့ ဆက်သွယ်ချင်တယ်ဆိုရင်♣

http://api.ning.com/files/ezSIyEo503eRcOZd6C89cZnmVCqToxfwW5i9FWnxdk19YnkUyEVuCGwwTt4bzoZI4LcRunBwXl3y3S9oEI6o70a*w21BHw4U/Gmail.gif

tawthulay5@gmail.com


https://fbcdn-sphotos-g-a.akamaihd.net/hphotos-ak-prn2/1209141_695523323808792_1372178208_n.jpg?width=492



♣မေတ္တာရိပ်ကို နှစ်သက်တဲ့ မန်ဘာဝင်မိတ်ဆွေများ♣

♣ Like နှိပ်ခြင်းဖြင့် မေတ္တာရိပ်ကို အားပေးကြရအောင်♣

♣အကြံပြုဝေဖန် မှာခဲ့ချင်တာလေးများရှိရင် ရေးခဲ့နိုင်ပါတယ်♣

http://4.bp.blogspot.com/_OqWweuWOoQI/SW_zzvRIrHI/AAAAAAAAAJc/8AtoNpxWQBI/S1600-R/1062486xhp8lebfmn.gif